Ukraynalı alim: Şuşada keçirilən “Xarıbülbül” festivalı Azərbaycan tarixində ən mühüm mədəni hadisələrdən biridir

Ukraynalı alim: Şuşada keçirilən “Xarıbülbül” festivalı Azərbaycan tarixində ən mühüm mədəni hadisələrdən biridir

Şuşada keçirilən "Xarıbülbül” festivalı Azərbaycan tarixində ən mühüm mədəni hadisələrdən biridir. Azərbaycanda yaşayan müxtəlif xalqların mədəniyyətinin, musiqisinin, rəqslərinin nümayiş etdirildiyi çıxışlar bu ölkədə dini və etnik tolerantlığın necə yüksək səviyyədə qorunmasına dair mühüm ismarıcdır.

Ukraynalı alim, tarix elmləri namizədi Oleq Kupçik bu fikri müsahibəsində söyləyib.

Onun sözlərinə görə, qədim Şuşa şəhəri Qarabağ xanlığının paytaxtıdır. Azərbaycanın bir sıra tanınmış şəxsiyyətləri, məsələn şair Molla Pənah Vaqif və rəssam Mir Möhsün Nəvvab burada yaradıcılıqla məşğul olublar. Lakin bu torpağa əsl şöhrəti Şuşa muğam məktəbi gətirib. Azərbaycanın ənənəvi musiqi janrı olan muğam Qarabağ azərbaycanlılarının faciəli tarixini, onların istilaya qarşı şücaətli mübarizəsini poetik ifa tərzi ilə dinləyicilərə çatdırır, onları Azərbaycanın əsas mədəni və mənəvi dəyərləri ilə tanış edir.

Oleq Kupçik daha sonra deyib: "Şuşa şəhərinin Ukrayna-Azərbaycan münasibətləri üçün böyük əhəmiyyət kəsb etməsi təqdirəlayiqdir. "Azərbaycanın Ukraynada Komissarlığı”nın komissarı və Azərbaycan Xalq Cümhuriyyətinin (AXC) Ukraynada ilk rəsmi nümayəndəsi Cəlil Sadıxov, həmçinin AXC-nin Ukraynada səfiri (1919-cu il) Yusif Vəzir Çəmənzəminli məhz "daim oxuyan şəhər” ab-havasında boy atıb, tərbiyə almışlar”.

Xəbər lenti