Fərhad Zamanov AFC ASED-in ilk kəmərinin sahibi olub

Fərhad Zamanov AFC ASED-in ilk kəmərinin sahibi olub

Bakı, 17 sentyabr, RezonansPress.az 


ASED Fighting Championsip (AFC ASED) təşkilatının keçirdiyi 12 peşəkar seriyadan ibarət MMA üzrə Qran-Pri yarışında ilk kəmərin sahibi müəyyənləşib.

RezonansPress.az xəbər verir ki, turnirdə 62 kiloqram çəki dərəcəsində çıxış edən Fərhad Zamanov keçirdiyi 5 döyüşdə qələbə qazanmaqla kəmərə yiyələnib.

F.Zamanov Kənan Şamilli, Elgün Həmzəyev, Maqomed Tatariev (Rusiya), Əlicabbar Nuriyev və Ceyhun Qocalını məğlub edərək bu uğura imza atıb. İdmançı bütün görüşlərini vaxtından əvvəl qələbə ilə tamamlayıb.

F.Zamanovun AFC ASED də uğurlu çıxışı dünya promouterlərinin də diqqətindən yayınmayıb. Belə ki, Polşanın STT təşkilatı döyüşçü ilə müqavilə imzalayıb. F.Zamanov Polşada həm Azərbaycanı, həm də AFC ASED-i təmsil edir.

Qeyd edək ki, 2018-ci ildən fəaliyyətə başlayan AFC ASED-ın təşkilatçılığı ilə üç kateqoriya üzrə yarışlar keçirilir.

Xəbər lenti